الحكايه مش حكايه
الحكايه مفيش حكايه
الحكايه بسيطه اوى
مش فاكر ايه اللى جابنى بس جيت
مش هطول فى الكلام
مش هزود فى الملام
بس هم الكلمتين
لا مش الهام ولا حاجه هو الكلام اتركب على بعضو وبس لوحدو
من كام يوم الست ماما قالت وانت فى الطريق هات خضره معاك وانت جاى
ياريتنى ما سمعت كلامها
رغم انى مش بأخر لها طلب
رحت للست بتاعت الخضار اسمها عايده
من يوم ما اتولدت وانا اعرف الست دى فى السوق بتبيع خضار
فجل وجرجير وبصل وخص
المهم نزلت ومكنتش اتوقع
قلت لازم اعمل جميل فى ماما واجيبلها كوم خضره يكفيها اسبوع
خدى يا حجه هاتى ب 50 قرش ونوعى هاتى من كل نوع شويه
بصتلى باحتقار ورمتلى ربطة فجل مسخوطه
دمى اتحرق
ايه دا يا ست انتى
دى ب 50 قرش ياحبيبى
فاكره يا حجه ايام ماكنتى بتحطى لى شنطتين كبار بربع بس
لا يا حبيبى معتش الايام دى
انت متعرفش الدولار بكام جنيه دلوقت ؟؟
لا يا حجه للاسف مش متابع
اصلى دمى بيتحرق لو شوفت النشره
وبغرق الشاشه من كتر ما بتف ع المذيع
مع انى عارف ان ملوش ذنب
بس على رأى المثل ماشتمك الا اللى بلغك
انحسرت
وبطنى وجعتنى
مش عارف مين فكرنى
المهم افتكرت اكتب قلت افضفض
عارف مش بكتب غير اما ملاقيش حد يسمعنى